အမျိုးသားမူးယစ်ဆေးဝါးထိန်းချုပ်ရေးမူဝါဒသစ် ပေါ်ပေါက်ရေးအတွက် ပါဝင်လိုသည့်အဖွဲ့အစည်းများအား ဖိတ်ခေါ်ခြင်း
၁။ မူးယစ်ဆေးဝါးနှင့်စိတ်ကိုပြောင်းလဲစေသော ဆေးဝါးများအန္တရာယ်တားဆီးကာကွယ်ရေး ဗဟိုအဖွဲ့သည် မူးယစ်ဆေးဝါးထိန်းချုပ်ရေးမူဝါဒသစ်တစ်ရပ်ပေါ်ထွက်လာရေးအတွက် လုပ်ငန်းစဉ် (၇) ရပ်ဖြင့် ဆောင်ရွက်လျက်ရှိပါသည်။
၂။ ထိုသို့ မူဝါဒသစ်တစ်ရပ်ရေးဆွဲရာ၌ လုပ်ငန်းကဏ္ဍပေါင်းစုံပါဝင်လာစေရန် အောက်ပါ လုပ်ငန်းအဖွဲ့ (၅) ဖွဲ့ကို ဖွဲ့စည်းထားရှိပြီး မူးယစ်ဆေးဝါးထိန်းချုပ်ရေးဆိုင်ရာ ကိစ္စရပ်များကို ခေါင်းစဉ်အလိုက် ဆွေးနွေးသွားကြမည်ဖြစ်ပါသည်-
(က) သုံးစွဲမှုကြိုတင်ကာကွယ်ရေး လုပ်ငန်းအဖွဲ့
( ခ) ကုသရေးနှင့် ပြန်လည်ထူထောင်ရေး လုပ်ငန်းအဖွဲ့
( ဂ) ထုတ်လုပ်မှုလျှော့ချရေး လုပ်ငန်းအဖွဲ့
(ဃ) လူ့အခွင့်အရေးနှင့် စိန်ခေါ်မှုသစ်များဆိုင်ရာလုပ်ငန်းအဖွဲ့
( င) အစားထိုးဖွံ့ဖြိုးရေး လုပ်ငန်းအဖွဲ့
၃။ သို့ပါ၍ လုပ်ငန်းအဖွဲ့များအလိုက် ပါဝင်ဆွေးနွေးလိုသည့် လူမှုအဖွဲ့အစည်း၊ အစိုးရမဟုတ်သော အဖွဲ့အစည်းများနှင့် ပုဂ္ဂလိက အဖွဲ့အစည်းများအနေဖြင့် စီမံကိန်းဌာန၊ မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့ Fax ဖုန်း အမှတ် ၀၆၇ ၄၁၂၅၄၄၊ Gmail လိပ်စာ ccdac.pm@gmail. com သို့ ၂၀၁၆ ခုနှစ် အောက်တိုဘာလ ၁၆ ရက်နေ့ထိ နောက်ဆုံးထား၍ ဆက်သွယ်စာရင်းပေးသွင်းနိုင် ပါကြောင်း ဖိတ်ခေါ်အပ်ပါသည်။
No comments:
Post a Comment