တရားမဝင္သစ္မ်ားႏွင့္ လိုင္စင္မဲ့ကား ဖမ္းဆီးရမိ
ဗထူးနယ္ သတင္းစံု၂၀၁၆ ခုနှစ်၊ စက်တင်ဘာလ ၁ ရက်နေ့ ည ၁၀ နာရီ ၃၀ မိနစ်အချိန် ဧရာဝတီတိုင်း ဒေသကြီး၊ ကြံခင်းမြို့နယ်၊ ဘက်ရဲနယ်မြေရဲစခန်းမှတပ်ဖွဲ့ဝင်များ၊ အလုံကျေးရွာအုပ်ချုပ်ရေးမှူးနှင့် အလုံသစ်တောဘိနယ်မှဝန်ထမ်းများပါဝင်သော ပူးပေါင်းအဖွဲ့သည် တရားမဝင်သစ်များ သယ်ဆောင် လာကြောင်းသတင်းအရ သက်သေများနှင့်အတူ ရှာဘိုကျေးရွာအနီး၊ ပုသိမ်-မုံရွာကားလမ်း၊ မိုင်တိုင် အမှတ်(၁၃၃/၃-၄)ကြား၌ စောင့်ဆိုင်းနေစဉ် ပဲခူးတိုင်းဒေသကြီး၊ ပန်းတောင်းမြို့နယ်ဘက်မှ ကြံခင်း မြို့နယ်ဘက်သို့ ပန်းတောင်းမြို့နယ်၊ ညောင်ခြေထောက်ရပ်ကွက်နေ ကျော်ဇေယျ(၂၇)နှစ် မောင်းနှင်ပြီး ယာဉ်နောက်လိုက်အဖြစ် တစ်ရပ်ကွက်တည်းနေ ကျော်ဇင်ထွေး(ခ)ငထွေး(၁၉)နှစ် လိုက်ပါလာသော ၉ဌ/×××× Faw အပြာရောင်ယာဉ်အား ရပ်တန့်ရှာဖွေစစ်ဆေးခဲ့သည်။ ထိုသို့စစ်ဆေးရာ ယာဉ်ပေါ်မှ တရားမဝင် ကျွန်းသစ်(၁၉)လုံး၊ ကျွန်းတိုင်(၃၂)တိုင်၊(၃.၆၆)တန်အား တွေ့ရှိသိမ်းဆည်းရမိခဲ့ပြီး ယာဉ်ပိုင်ရှင်မှာ ကြံခင်းမြို့နယ်၊ ကြို့ပင်စုကျေးရွာနေ ဦးလူနီ(၄၄)နှစ်ဖြစ်ကြောင်း စစ်ဆေးသိရှိရသဖြင့် ၎င်းတို့(၃)ဦးအား ဘက်ရဲနယ်မြေရဲစခန်း(ပ)၁၀၂/၂၀၁၆၊ သစ်တောဥပဒေပုဒ်မ ၄၃(က) အမှုဖွင့် အရေးယူထားကြောင်းနှင့် ၎င်းတို့မောင်းနှင်လာသည့် ယာဉ်မှာ လိုင်စင်မဲ့ဖြစ်ကြောင်း ထပ်မံသိရှိရ သဖြင့် ကျော်ဇေယျနှင့် ဦးလူနီတို့(၂)ဦးအား ဘက်ရဲနယ်မြေရဲစခန်း(ပ)၁၀၃/၂၀၁၆၊ ပို့ကုန်သွင်းကုန် ဥပဒေပုဒ်မ ၈ ဖြင့် ထပ်မံအမှုဖွင့်အရေးယူထားကြောင်း သတင်းရရှိသည်။
No comments:
Post a Comment