.label-size:hover { border:1px solid #6BB5FF; text-decoration: none;-moz-transition: all 0.5s ease-out; -o-transition: all 0.5s ease-out; -webkit-transition: all 0.5s ease-out; -ms-transition: all 0.5s ease-out; transition: all 0.5s ease-out; -moz-transform: rotate(7deg); -o-transform: rotate(7deg); -webkit-transform: rotate(7deg); -ms-transform: rotate(7deg); transform: rotate(7deg); filter: progid:DXImageTransform.Microsoft.Matrix( M11=0.9961946980917455, M12=-0.08715574274765817, M21=0.08715574274765817, M22=0.9961946980917455, sizingMethod='auto expand'); zoom: 1; } .label-size a { text-transform: uppercase; float:left; text-decoration: none; }.label-size a:hover { text-decoration: none; }

Thursday, January 21, 2016

ဘိန်းခင်းများ ဖျက်ဆီးရန် ကချင်ပြည်နယ် အစိုးရအဖွဲ့ ခွင့်ပြု

ဘိန်းခင်းများကို ဖျက်ဆီးနေသည့် ရဲတပ်ဖွဲ့နှင့် ဒေသခံများ (ဓာတ်ပုံ – ဖိုးသား/တောင်ကြီး)
ကချင်ပြည်နယ် အထူးဒေသ (၁)၊ ၀ိုင်းမော်မြို့နယ်အတွင်းရှိ ဘိန်းခင်းများကို ဖျက်ဆီးရန် ကချင်ပြည်နယ် အစိုးရအဖွဲ့က လူထုအခြေပြု မူးယစ် ဆေးဝါး တိုက်ဖျက်ရေးအဖွဲ့ကို ခွင့်ပြုမိန့်ပေးလိုက်သည်ဟု သတင်းရရှိသည်။
ဝိုင်းမော်မြို့နယ်၊ လူထုအခြေပြု မူးယစ်ဆေးဝါးတိုက်ဖျက်ရေးအဖွဲ့ခေါင်းဆောင် ဖာသာ ဇုန်းဒိန့်က“အင်အား တထောင်ကျော်နဲ့ အစီ အစဉ်တွေ အားလုံး ဆွဲပြီးသွားပြီ။ အာဏာပိုင်တွေဆီက လုံခြုံရေး တောင်းပါတယ်။ ဒီနေ့ ကျနော်တို့ကို သွားရောက်ဖျက်ဆီးဖို့ သက် ဆိုင်ရာက ဆုံးဖြတ်လိုက်ပါပြီ။ သဘက်ခါကျရင် အားလုံးတက်ပါမယ်”ဟု ဧရာဝတီသို့ ပြောသည်။
လူထု အခြေပြု မူးယစ်ဆေးဝါး တိုက်ဖျက်ရေးအဖွဲ့ကို တားဆီးခဲ့သူများမှာ ၀ိုင်းမော်မြို့နယ် အတွင်းရှိ နယ်ခြားစောင့်တပ်ဖွဲ့၊ ပြည်သူ့စစ် တပ်ဖွဲ့ဝင်များနှင့် ဒေသခံ ဘိန်းစိုက်ပျိုးသူများ ဖြစ်သည်ဟု ဖာသာ ဇုန်းဒိန့်က ပြောသည်။
ဖာသာဇုန်းဒိန့်က ၎င်းတို့အဖွဲ့မှာ ယခင်က ဘိန်းခင်းများကို ဖျက်ဆီးခဲ့ရာတွင် အစိုးရထံမှ ခွင့်ပြုချက် တောင်းခံခြင်း မပြုခဲ့သေ်ာလည်း ယခု တောင်းရသည်မှာ ဇန်န၀ါရီလ ၁၉ ရက်က ၀ိုင်းမော်မြို့နယ်အတွင်းရှိ ဘိန်းခင်းများကို ဖျက်ဆီးရန် သွားရောက်ရာ နယ်ခြားစောင့် တပ်ဖွဲ့နှင့် ပြည်သူ့စစ်တပ်ဖွဲ့တို့က လာရောက် တားဆီးခြင်းများ ပြုလုပ်ခဲ့ခြင်းကြောင့် ဖြစ်သည်ဟု ပြောသည်။
ဒေသခံ မူးယစ်ဆေးဝါး တိုက်ဖျက်သူ တဦးကလည်း“လမ်းမှာ လူ ၅၀၀ လောက်က တုတ်တွေ ဓါးတွေ သေနတ်တွေနဲ့ ကိုင်ပြီး စောင့်နေ တယ်။ အဲဒါကြောင့် ကျနော်တို့ ဆက်သွားလို့ မရတော့ဘူး။ ကျနော်တို့ရဲ့ လုံခြုံရေးပေးဖို့အတွက် ၀ိုင်းမော် ရဲစခန်းနဲ့ အုပ်ချုပ်ရေးမှူးကို အကူအညီ တောင်းရတယ်”ဟု ပြောသည်။
ဇန်န၀ါရီလ ၁၅ ရက်ကလည်း ကချင်ပြည်နယ်၊ တနိုင်းမြို့နယ်တွင် လူထုအခြေပြု မူးယစ်ဆေးဝါး တိုက်ဖျက်ရေးအဖွဲ့က ဘိန်းခင်းများ ရှင်းလင်းကြရာ တူးမီးသေနတ်ဖြင့် ချောင်းမြောင်း ပစ်ခတ်ခံရပြီး အဖွဲ့ဝင်တဦးဖြစ်သည့် အသက် ၁၉ နှစ်အရွယ် လထော်တူးစိုင်းကို ထိမှန်ကာ သေဆုံးမှု ဖြစ်ပွားခဲ့သည်။
လူထုအခြေပြု မူးယစ်ဆေးဝါး တိုက်ဖျက်ရေးအဖွဲ့မှာ ကချင်ပြည်နယ်အတွင်းရှိ တနိုင်တပိုင် စိုက်ပျိုးနေသည့် ဘိန်းခင်းများကို လိုက်လံ ဖျက်ဆီးခြင်းများ ပြုလုပ်နေသော်လည်း ဘိန်းခင်းပိုင်ရှင်များကို အစားထိုးသီးနှံ ပြန်ပေးခြင်း၊ ငွေကြေး တစုံတရာ ထောက်ပံ့ပေးခြင်း မရှိဟုလည်း သိရသည်။
ကချင်လူထု အခြေပြု မူးယစ်ဆေးဝါး တိုက်ဖျက်ရေး အဖွဲ့ကို ၂၀၁၄ ခုနစ် ဧပြီ ၂၅ ရက်တွင် ရှမ်းပြည်နယ် မြောက်ပိုင်းနှင့် ကချင် ပြည်နယ်တို့တွင် ဖွဲ့စည်းခဲ့ပြီးနောက် ၂၀၁၅ ခုနစ်တွင် ဘိန်းဧက ၃ ထောင်ကျော် ဖျက်ဆီးနိုင်ခဲ့ကြောင်း သိရသည်။
ဝိုင်းမော်မြို့နယ် အပါအ၀င် ချီဖွေမြို့နယ်၊ ဆော့လော်မြို့နယ်နှင့် အင်ဂျန်းယန် မြို့နယ်တို့မှာ စခုန်တိန့်ယိန်း၏ နယ်ခြားစောင့်တပ်များ၏ အုပ်ချုပ်ရေး အာဏာ ၈၀ ရာခိုင်နှုန်းခန့် သက်ရောက်သည့် မြို့များ ဖြစ်သည့်အပြင် အဆိုပါ ဒေသများတွင် တပ်မတော်တပ်ရင်း တပ်ဖွဲ့ များ၏ လုံခြုံရေး စခန်းများလည်း ရှိသည်။
စခုန်တိန့်ယိန်းမှာ ၁၉၆၅ ခုနှစ်တွင် ကချင်လွတ်လပ်ရေး တပ်မတော် (KIA)မှ ခွဲထွက်ပြီး ကချင် ကွန်မြူနစ် လက်နက်ကိုင် တပ်ဖွဲ့ကို ဦးဆောင်ပြီး ထူထောင်ခဲ့သူ ဖြစ်သည်။ ၁၉၉၀ ခုနှစ်တွင် အစိုးရနှင့် ငြိမ်းချမ်းရေး ယူလိုက်ပြီး နယ်ခြားစောင့်တပ် အဖြစ် ပြောင်းလဲ ဖွဲ့စည်းခဲ့သည်။ စခုန်တိန့်ယိန်းဒေသတွင် နယ်ခြားစောင့်တပ်အပြင် ပြည်သူ့စစ်တပ်ဖွဲ့တခုလည်း ရှိပြီး အဆိုပါ တပ်ဖွဲ့တွင်လည်း ၎င်းမှာ နာယက ဖြစ်ပြီး အာဏာသက်ရောက်မှု ရှိသည်။
၂၀၁၅ ခုနှစ်၊ အထွေထွေ ရွေးကောက်ပွဲတွင်လည်း ချီဖွေမြို့နယ်၊ ဆော့လော်မြို့နယ်၊ အင်ဂျန်းယန် မြို့နယ်တို့၏ အမျိုးသား လွှတ်တော် ကိုယ်စားလှယ်အဖြစ် အနိုင်ရရှိထားသူလည်း ဖြစ်သည်။
Posted by at

No comments:

Post a Comment

Subscribe to: Post Comments (Atom)